غريبة الدنيا

غريبة الدنيه مليانه متـاهات


وانه بكل درب عثرني بختي


ابعده وما اريده بعوزتي يعـود


من دون البشـر عاداني وكتي


ماريدك ياحظي تكون الي عون


انا جروحي صفن دمعه بوجنتي


اوياي من الصغر ماكاعد بيوم


مو وية النفس صارت حسرتي


شوكلمن احبهه يلفهه الموت


واثياب الفرح سود بغرفتي


رماد ايامي طار بهبة الريح


ولاواحد سالني وعرف قصتي


جنت حضرة ومقام تزورني الناس


يدنيـه بيـا بخت ويـاي درتـي


يدنيه اول جرح ردتج تشوفيه


بعدني انخاج عفتيني وهربتي


شوفتي الجرح لعيون شمات


وبسوك البخس اوراقي بعتي


ياروحي ابـد ماذلـج ابيوم


ولو ماظلي من اهلي وصحبتي


انه العشرين عمري وشيب الراس


طحت بهمومي وينج ماحضرتي


ماظل بالعمر بس ذكره للنوح


وماواحد عرف شنهيه علتي